4/7/13

Mein jo mehka toh meri shakh jala di uss ney,zulum poetry

Mein jo mehka toh meri shakh jala di uss ney,
Sabz mausam mein mujhey zard hawa di uss ney...

pehlay ik lamhey ki zanjeer mein bandha mujh ko,
Aur phir Waqt ki raftar barha di uss ne...

Jaanta tha kay mujhe maut sakoon bakshay gi,
woh sitamgar tha so jeeney ki duaa di uss ney...

Uss kay hone sey theen saanse meri dugni shayad,
Woh jo bichra toh meri umar ghata di uss ney....