Ab Lout Aa Mere Ham Nawa

Meri Zindagi Ka Sawal Hai:

Ab lout aa mere ham nawa meri zindagi ka sawal hai,
Tujhe kia sunaon mere dilruba tere samne mera kia haal hai,

Meri har khushi tere dam se hai meri zindagi tere gham se hai,
 Tere dard se rahey bekhabar meray dil ki kab yeh majal hai,

Tere husan par hai meri nazar mujhe subho sham ki kia khabar,
 Meri sham hai teri guftagu meri subhoo tera khiyal hai,

 Mere dil-o-nazar mai sama bhi ja rahe kiyun nazar ka bhi faslaa,
 Keh tere baghair to jan-e-jan mujhey zindagi bhi mahal hai...