Meri Zindagi Ka Sawal Hay

Meri Chasham-E-Num Ko Phara Karo Meri Zindagi Ka Sawal Hay:

Mujhay youn na khud se juda karo meri zindgi ka sawal hay,
Meri chasham-e-num ko perha karo meri zindgi ka sawal hay,

Pas-e-pusht dal k har dua main tumhare sath ko maang loon,
Yehi tum bhi RAB se dua karo meri zindgi ka sawal hay,

Na hi kuch talab meri zaat ko teri zaat se mere humsafer,
Meri chahatoon se wafa karo meri zindgi ka sawal hay,

Hai bohot thakan meri zaat mein mera jism dard se chur hy,
Shab-e-wasl mujho atta karo meri zindgi ka sawal hay,

Mere sard hathon ko thaam ker kabhi apne hathon mein dair tak,
Mere dard-e-dil ki dawa karo meri zindgi ka sawal hay,

Mujhay hadsoon nay mita dia mujhay chahaton nay dagha dia,
Mere tan per Apni Rida karo meri zindagi ka sawal hay.......